आज सुनको मुल्यमा सामान्य गिरावट, चाँदीको भने स्थिर

नेपाली बजारमा आज सुनको भाउ घटेको छ भने चाँदीको स्थिर छ । मंगलबार प्रतितोला १ लाख ८ हजार ९ सय रुपैयाँमा कारोबार भएको छापावाल सुनको भाउ आज तोलामा १ सय रुपैयाँले घटेर १ लाख ८ हजार ८ सय रुपैयाँमा कारोबार भइरहेको छ ।

आज तेजावी सुनको मुल्य पनि प्रति तोलामा १ सय रुपैयाँले घटेर १ लाख ८ हजार ३ सय रुपैयाँमा कारोबार भइरहेको छ । नेपाल सुनचाँदी व्यवसायी महासंघका अनुसार आज चाँदीको मुल्य स्थिर रहँदै प्रतितोला १ हजार ३ सय ४० रुपैयाँमा कारोबार भइरहेको छ ।

आज प्रति १० ग्राम छापावाल सुनको भाउ ९३ हजार २ सय ८० रुपैयाँ, १० ग्राम तेजावी सुनको भाउ ९२ हजार ८ सय ५० रुपैयाँ र प्रति १० ग्राम चाँदीको भाउ १ हजार १ सय ४९ रुपैयाँ कायम रहेको छ ।