आज: २०८१ जेष्ठ १०, बिहिबार | Thu, 23, May, 2024

मृत राजतन्त्र र हिन्दु राष्ट्र फर्काउँछु भन्ने सपना कसैले नदेखे हुन्छ : लालध्वज


  • चौतारीपाटी
  • २०७९ माघ २२, आईतबार मा प्रकाशित १ साल अघि
  • १३४ पाठक संख्या
  • काठमाडौं । नेकपा माओवादी केन्द्रका नेता एवं प्रतिनिधिसभा सदस्य सुर्यमान दोङ लालध्वजले मृत राजतन्त्र र हिन्दु राष्ट्र फर्काउने सपना कसैले नदेखे हुने बताएका छन् ।

    सामाजिक सञ्जाल फेसबुकमार्फत आफ्नो धारणा सार्वजनिक गर्दै उनले लेखेका छन्, ‘मसानघाट पुगेर खरानीमा परिणत भइसकेको मृत राजतन्त्र र हिन्दु राष्ट्र फर्काउछु भन्ने दिवासपना कसैले नदेखे हुन्छ ।’

    राप्रपाका सांसदले बुधबारको प्रतिनिधि सभा बैठकमा हिन्दु राष्ट्र र राजा अनुकुल समयमा फर्काउने दावी गर्दै शुन्य समयमा आफ्नो धारणा राखेपछि नेता लालध्वले यो कुरा बताएका हुन् ।

    पूर्वमन्त्री समेत रहेका लालध्वजले सरकारमा बसेर संविधानको विरुद्धमा बोल्ने कुरा नैतिकता र कानुनी दुवै हिसाबले ठीक नभएको समेत बताएका छन् ।

    त्यसअघि उनले लेखेका छन्, ‘हाम्रो स्पष्ट मान्यता छ, राज्यको कुनै धर्म हुँदैन, अनि कुनै विशेष क्षमता नचाहिने निश्चित वंश भएकै कारण राजा मान्नुपर्ने महाराजहरुको शासन हामीलाई चाहिँदैन । जनताको छोराछोरीले लडेर ल्याएको व्यवस्थामा जनताकै छोराछोरी राष्ट्र प्रमुख हुनुपर्छ भन्ने हाम्रो स्पष्ट मान्यता छ । यो कुरा हामीले २०७२ सालको संविधानमा पनि लिपिबद्ध गरेकै छौँ ।’

    तपाइंलाई यो खबर पढेर कस्तो लाग्यो? मन पर्यो
    मन पर्यो खुशी अचम्म उत्साहित दुखी आक्रोशित

    प्रतिक्रिया दिनुहोस


    सम्बन्धित खबरहरु
    ताजा अपडेट